Subject: критичност, читање, истражување, наука, трудови
Year: 2013
Type: Journal Article
Title: Критичко читање на научни трудови
Author: Трајковски, Владимир
Abstract: Читањето академски трудови не е лесна работа. Општа стратегија за читање и разбирање на научен труд е да го прочитате материјалот критички. Времето што е на располагање за читање научна литература сè повеќе тешко се наоѓа. Научниците ги читаат трудовите со различни степени на внимание и скептичност. Сепак, рецензираните трудови се валутата на научниот прогрес. Целта на овој труд е да се презентираат концептите кои се вклучени во критичка евалуација на истражувачката литература. Разликуваме две основни форми научна литература: примарна и секундарна литература. Речиси секој научен труд се придржува строго кон традиционалниот формат: наслов, автори, апстракт, вовед, материјал и методи, резултати, дискусија, заклучоци и препораки. Критичката евалуација не мора да значи негативна оценка, туку тоа треба да биде она што ги препознава и двете: предностите и слабостите на трудот. Тоа што треба да го имате на ум е дека тудовите што ги читате се напишани од луѓе кои немаат одговори за сè или време и пари потребни за да откријат сè и тие понекогаш прават грешки. Критичкото читање уште не игра централна улога во студирањето на нашиот универзитет. Неопходно е да се воведе предмет Критичко читање на научни трудови во наставната програма на студиските програми на нашите универзитети.
Publisher: Лекарска комора на Македонија
Relation: Vox Medici
Identifier: oai:repository.ukim.mk:20.500.12188/829
Identifier: Трајковски В. Критичко читање на научни трудови. Vox Medici 2013; 22 (81): 296-301
Identifier: http://hdl.handle.net/20.500.12188/829
