Subject: ливериџ, структура на капиталот, профитабилност, цена на капиталот
Year: 2015
Type: Article
Title: ВЛИЈАНИЕ НА ЛИВЕРИЏОТ НА КОМПАНИЈАТА ВРЗ НЕЈЗИНАТА ПРОФИТАБИЛНОСТ НИЗ ПРИМЕРОТ НА МАКЕДОНСКИТЕ КОМПАНИИ
Author: Арсов, Сашо
Abstract: Во досегашниот развој на теоријата за структурата на капиталот трошоците на задолжувањето, генерално, е прифатено дека предизвикуваат намалување на добивката, иако поради дејството на даночниот штит, плаќањето на каматата на кредитите може да има и позитивно дејство врз просечната цена на капиталот. Иако оваа релација се чини едноставна и еднонасочна, треба да се има предвид дека задолжувањата се прават со цел да се реализираат одредени деловни потфати, па доколку остварените придобивки од нив го надминуваат трошокот на долгот ефектот на задолжувањето врз профитабилноста би бил позитивен. Со цел да испитаме какви се ефектите врз ливериџот кај македонските компании, составивме примерок од 47 акционерски друштва и со финансиските податоци за периодот 2009-2013 година спроведовме истражување во форма на панел-регресија. Сумарната статистика на примерокот недвосмислено покажува дека ливериџот на компаниите се движи во просек околу 35%, што не е високо ниво, додека профитабилноста во анализираниот период значајно опаѓа. Резултатите на регресијата покажуваат дека вкупниот ливериџ има негативно влијание врз профитабилноста, но истите не се потврдени кога ги користиме долгорочните кредити или вкупните банкарски кредити како зависни варијабли. Од останатите вклучени променливи, позитивна врска е откриена уште во случајот на големината на компанијата и профитабилноста, додека вкупните инвестиции во последните три години, стапката на данок на добивка и порастот на продажбите немаат статистички значајно влијание.
Publisher: Економски факултет, УКИМ, Скопје
Relation: Годишник на Економски факултет, 2015
Identifier: oai:repository.ukim.mk:20.500.12188/2741
Identifier: http://hdl.handle.net/20.500.12188/2741
