Subject: акутна белодробна емболија
Subject: КТПА
Subject: ПАОИ
Subject: однос на дијаметрите на ДВ/ ЛВ
Year: 2021
Type: Article
Title: ПУЛМОНАЛНИОТ ОПСТРУКЦИСКИ ИНДЕКС КАКО ПРОГНОСТИЧКИ МАРКЕР ЗА РАЗВОЈ НА ДЕСНО СРЦЕВА ДИСФУНКЦИЈА КАЈ ПАЦИЕНТИ СО АКУТНА БЕЛОДРОБНА ЕМБОЛИЈА
Author: Nikolova, Sonja
Author: Mitreska, Nadica
Author: Dokoska, Marija
Abstract: Вовед- Белодробната емболија го завзема третото место на листата од најчести кардиоваскуларни заболувања. Оваа состојба често останува непрепознаена, има висок морбидитет и морталитет и до 15% во првите 3 месеци од дијагностицирање, води до бројни компликации, па промптната дијагноза, соодветниот избор на терапија и менаџирање на оваа живото- загрозувачка состојба се од есенцијално значење. Цел- Цел на студијата е да се изврши детална радиолошка анализа и стратификација на ризикот за развој на десно срцева слабост со помош на компјутеризирано томографска пулмонална ангиографија ( КТПА) кај пациенти со акутна белодробна емболија преку семиквантитативни радиолошки мерења и корелација на пулмоналниот артериски опструкциски индекс ( ПАОИ) и односот на дијаметрите од десната и лева срцева комора. Материјали и методи- Испитуваниот примерок се состои од вкупно 53 пациенти од двата пола, на возраст од 18- 95 години на кои им беше направена КТПА по протокол за АБЕ. Се пресметуваше пулмонален артериски опструкциски индекс( ПАОИ)и истиот се корелираше со односот на дијаметрите помеѓу десен и лев срцев вентрикул. Квантитативните варијабли се прикажаа како просек, медијана и стандардна девијација со коефициент на сигурност од 95%. Корелацијата на ПАОИ и односот десен/ лев срцев вентрикул се вршеше со Spearman тест, каде р<0. 005 се сметаше за статистички сигнификантно. Резултати- Од вкупно 53 пациенти, 24 беа од машки пол (45. 28%), додека 29 од женски пол (54.72%). Пациентите беа поделени во две групи спрема односот ДВ/ ЛВ. Просечната вредност на пулмоналниот артериски опструкциски индекс ( ПАОИ) кај вкупно сите 53 пациенти изнесуваше 50. 65%± 26. 36. Просечната вредност на односот на дијаметрите помеѓу десен и лев срцев вентрикул, кај вкупно сите 53 пациенти изнесуваше 1. 25± 0. 29. Присутна беше јака и статистички сигнификантна позитивна корелација помеѓу ПАОИ и односот на дијаметрите на десен и лев срцев вентрикул ( r= 0. 6744, p= 0. 00001). ROC aнализата на избраните параметри покажа дека најголемо влијание во предикција на десно срцева слабост има односот помеѓу десен и лев вентрикул, која придонесува за дијагностицирање од 90,4% и ПАОИ кој учествува во дијагнозата со 84.2%. Заклучок- Односот помеѓу десен и лев срцев вентрикул како и квантификацијата на тромбите со ПАОИ се одлични предиктори на десно срцева слабост кај пациенти со акутна белодробна емболија и можат да се користат во стратификација на ризикот и избор на соодветна терапија.
Publisher: SHMSHM / AAMD
Relation: MEDICUS
Identifier: oai:repository.ukim.mk:20.500.12188/24375
Identifier: Соња Николова, Надица Митреска, Марија Докоска;ПУЛМОНАЛНИОТ ОПСТРУКЦИСКИ ИНДЕКС КАКО ПРОГНОСТИЧКИ МАРКЕР ЗА РАЗВОЈ НА ДЕСНО СРЦЕВА ДИСФУНКЦИЈА КАЈ ПАЦИЕНТИ СО АКУТНА БЕЛОДРОБНА ЕМБОЛИЈА;Medicus 2021, Vol. 26 (2): 169-174
Identifier: 1409- 6366
Identifier: http://hdl.handle.net/20.500.12188/24375
