Subject: банка, ликвидност, профитабилност, ризик, нето каматна маргина
Year: 2018
Title: И ЛИКВИДНОСТ И ПРОФИТАБИЛНОСТ – СЛУЧАЈОТ НА МАКЕДОНСКИОТ БАНКАРСКИ СЕКТОР
Author: Гоцков, Ѓорѓи
Abstract: Ликвидноста и профитабилноста се два значајни принципи во банкарското работење, кои најчесто се конфликтни и инверзно корелирани. Поради тоа банките се соочени со вечната дилема дали приоритет да дадат на сигурноста, односно ликвидноста за сметка на остварување на помала профитабилност или на профитабилноста за сметка на преземање на поголеми ризици и следствено креирање опасност по сигурноста и ликвидноста во нивното работење. Токму односот ликвидност – профитабилност во македонскиот банкарски сектор е предмет на истражување во овој труд. За таа цел, најпрво се истражува ликвидноста во македонскиот банкарски систем, како и во банкарските системи на неколку одбрани земји од регионот и Германија, кои треба да послужат како репер за извлекување на заклучоци за висината на ликвидноста во нашиот банкарски систем. Истата анализа се прави и за утврдување на висината на профитабилност на македонските банки. Анализата покажува дека македонскиот банкарски сектор се карактеризира и со висока ликвидност и со релативно висока профитабилност во споредба со анализираните земји. Тоа во добар дел противречи на бројните теоретски и емпириски истражувања кои укажуваат на конфликтната и негативна врска помеѓу овие два значајни принципи во банкарското работење. Трудот понатаму преку компаративна анализа настојува да идентификува одредени фактори кои ја детерминираат ваквата состојба во македонскиот банкарски сектор. Покрај анализа на нивото, трудот прави и динамичка анализа, со цел да го истражи ефектот од последната глобална финансиска криза врз индикаторите за ликвидност и профитабилност и да ја утврди отпорноста на банкарските сектори во земјите кои се предмет на анализа.
Publisher: Економски факултет - Скопје
Relation: Годишник на Економски факултет - Скопје
Identifier: oai:repository.ukim.mk:20.500.12188/12361
Identifier: http://hdl.handle.net/20.500.12188/12361
