Subject: Basic medicine
Subject: Clinical medicine
Subject: Health sciences
Subject: Other medical sciences
Year: 2013
Type: Book
Type: NonPeerReviewed
Title: Профилакса на орални болести
Author: Dimova, Cena
Abstract: Устата и забите како почетен дел на ограните за џвакање имаат доста важна улога во приемот и припремата на храната за понатамошно нејзино искористување. Разбирливо е дека разновидната храна, начинот и навиките во исхраната влијаат на развитокот на устата и забите, како и на целиот максилофасцијална регија, и појава на одредени заболувања и малформации во оваа регија. За тоа како влијае исхраната во развитокот на устата и забите најдобро ни укажува еволутивниот развој на ограните за џвакање на човекот. Нашите дамнешни предци имале многу развиена вилица, јаки џвакални мускули, силни заби и биле многу повеке на број односно 44 заби, а денес човекот има 32 заби. Во тој период кариесот, кој и денес е едно од најраспространети заболувања, бил практично непознато заболување. Промените во начинот и навиката во исхраната, од користењето на природни, сурови и неприготвени до високо рафинирани, преработени и конзервирани продукти, влијаат на развитокот, состојбата и функционалноста на целокупниот огранизам на човекот, но најголеми промени се случувале во дигестивниот систем посебно во органите за џвакање. Овие промени довеле до појава на многубројни неправилности во развојот на системот за џвакање, меѓу кои зголемување или намалување на бројот на забите, недоволно место за правилно никнување на забите во вилицата, што довело денес на некои лица да не им изникнуваат умниците, бочните секачи и други заби. Целокупното внесување на меката, неабразивна и рафинирана храна, прави погодни услови за брз развој на микроорганизмите и нивното влијаните во појавата на кариес и пародонтопатија.
Publisher: Универзитет „Гоце Делчев“ - Штип
Relation: https://eprints.ugd.edu.mk/3314/
Identifier: oai:eprints.ugd.edu.mk:3314
Identifier: Dimova, Cena (2013) Профилакса на орални болести. Универзитет „Гоце Делчев“ - Штип. ISBN 978-608-4708-08-7